لەهەولێر كۆنفرانسێك لەبارەی بارودۆخی كرێكارانی هەرێم بەسترا
لەو كۆنفرانسەدا رۆژنامەنووسان و شارەزایانی كرێكاریی و رێكخراوەكانی كۆمەڵگەی مەدەنی و نوێنەری حكومەت و پەرلەمانی هەرێمی كوردستان و نوێنەری مەكتەبی تەنفیزی سەندیكای كرێكاران و نوێنەری بەشێك لەپارتە سیاسیەكان بەشداری بوون.
لەو بارەیەوە رەنجدەر گراوی چالاكوانی مەدەنی و یەكێك لەبەشداربوانی كۆنفرانسەكە بەهاوپشتی وت "هەریەك لەنوێنەرانی پەرلەمان و حكومەتی هەرێم و نوێنەری حیزبی كۆمۆنیستی كرێكاری كوردستان و نوێنەری مەكتەبی تەنفیزی سەندیكای كرێكاران و حیزبی شیوعی و یەكێتی و پارتی تێروانینەكانی خۆیان سەبارەت بەرەوشی كرێكاری لەهەرێم بەراپۆرت خستەڕوو، پاشان لەلایەن لیژنەیەكی پسپۆڕ لەكاری كرێكاریی راپۆرتەكان هەڵسەنگاندنیان بۆ كرا"
بەپێی زانیاریەكانی هاوپشتی، وا بریارە كۆی سەرنج و تێروانینەكان لەكتێبێكدا چاپ بكرێن، بۆئەوەی لەدواجاردا پەرلەمان بۆ دەركردنی یاسای كارو پاراستنی گیانی كرێكاران سوودی لێوەربگرن.
No comments:
Post a Comment