گۆران شۆرشێکی ناوەخۆیی پێویستە

لە بۆستێکی کاک سەباح علی قارەماندا هاتووە ( ئه‌و ماوه‌ى مه‌حمود سه‌نگاوى له‌ دورگه‌ى سه‌نگاو خه‌ريكى كه‌باب خواردن بوو، ئه‌ڵێن هه‌ڵسوڕاوێكى زۆرى بزووتنه‌وه‌ى گۆڕان سه‌ردانيان كردووه‌، ته‌نانه‌ت ئه‌ندامى جڤاتى نيشتمانيى تێدايه‌.)

منیش بەم شێوەیە کۆمێنتم بۆ نوسیوە 

کاکە سەباح گیان ، بەبروای من گۆران شۆرشێکی ناوەخۆیی پێویستە ، تۆ سەیرکە لە هەموو دونیا کاتێک شۆرشێک هەلدەگیرسێت ئەوەی کە قارەمانە شۆرشەکە دەکات لەبەر قارەمانی خۆشی سەرشۆرناکات واتا ماستاوچیاتی ناکات بۆیە لەدوای دا خۆی لە پەراوێز دەبینێتەوە هەرچەندیش دەکاتیش ناتوانێت خۆی لەم شۆرشە بەدوربگرێ ، جا ئەوەی مەبەستەمە ئەوەی هەموو ئەو شۆرشانەی کەوا بارگرانی لەبری خۆشگوزەرانی بۆ هاولاتیان بەدی دەهێنیت هۆکارەکەی ماستاوچیەکانن ، ئێستاش گۆران لێواولێوە لەم جۆرە کەسانە ، بۆیە گۆران پێوستی بە چاکسازیە

ئەگەر نا هیچ جیاوازی نابیت لەگەل ئەوانی تردا .

ئاخر دلم بەچی خۆش بیت پێمنالێی

ئاخر دلم بەچی خۆش بیت پێمنالێی ، هۆ کاکی مرۆڤ ببورە مەبەستم رۆبۆت بوو

واقورمیش کراوە دەلێیت کاکە ماست سپیە دەلێت ناوللە ئیلاوبیلا رەشە ئەوجا وەرە ئەم مرۆڤە ببورن مەبەستم ئەم کەرە لەم قورە دەربینە.

تێبینی/ ١-ڤیدیۆکە هیرشی پۆلیسی هاتووچۆیە بۆسەر تیمی کەنالی کەی ئێن ئێن

ئەوەی سەیرە بۆلیسی هاتووچۆ هێرش دەکات وامزانی ئاسیشە .

٢-ئا ئەمەیە ژیانی رۆژنامەنوسان و چالاکانی مەدەنی دەبێت بە گیانی خۆیان باجی کارەکانیان بدەن

٣- ئەوەی لەدەستیان دێت دوای هەر لێدان و سوکایەتێک سکالایكی یاساییە کە ئەسلەن هیجیش لە بابەتەکە ناگۆری 

٤- ئیتر بۆ پێشەو گوو بەشەرفی ئەوبێت چاوی بە

هەولێر هەلنایەت

https://www.youtube.com/watch?v=TaDI_njrQeg

پینەکانتان کەشف بوو !!!!!!!!

جاری پێش هەموو شتێک پێخۆش نیە هیچ شوینکی دونیا زیاتر لە هەولێری لانەی لەدایک بوونم زیاتر خزمەتگوزاری تیادابیت .

بەلام بلیم چی من ناتوانم وەکو حکومەتی پینەچی درۆی روخساری بۆبکەم . 

باشە پێم نالین شانازی بەچیەوە دەکەن 

کارەباتان ، بە ئاوتان ، یان بەخزمەتگوزریە سەقەتەکانتان لەگەل دوو پشکە باران بارین شوێنی دانیشتنی خۆتان پربووە لە ئاو (ئەنجومەنی وەزیران) ، یان بەئازدیەکانی بۆ تاکتان فەرهام هێناوە 

یان بەکابینەی حکومەتتنان کە خەریکە ژمارەی پێوانەیی دەشکێنێ لە دواکەوتن .

تێنینی / وینەکە هی بەردەم ئەنجومەنی وەزیرانە

راستکردنەوەێک بۆ کاک قادر نار

سەرەتا دەستی ماندووبون بۆ کاک قادر نادر و هەموو ئەوانەی لە رێگای دوورەوە بێ گوێدانە ناخۆشیەکانی سەفەر و بیرکردنەوە لە کارەکانیان هەموو شتێکیان جێهێشت بۆ بەشدار بوون لە نوێترین شێوازی کاری مەدەنی ، کە ئەمە شانازێکە بە بالای هەرێکێک لەم بەرێزانە نوسراوە کە بەشداری ئەم خۆپیشاندانەیان کرد .

منیش بە هەمان شێوەی کاک قادر دەنگم دەخەمە پال دەنگی ئەو بەلام جیاواز لە رەخنەکەی ئەو

+ گۆران بۆ ئەوە دروست بووە کە ئەوەی خەلک ناوێری باسی بکات ، ئەوان پربەگەرویان هاواری نای بۆ بکەن ، بەلام بەداخەوە هیچ یەکێک لە ئەندامانی رێکخستنەکانی گۆران چ لە ناو بەلجیکا چ لە ولاتانی دەوروبەری بەلجیکا بەشداری ئەم خۆپیشاندانە نەبوون ، کە بەبروای من و تێگەیشتنی من دەبوایە ئەگەر هەمووشیان بەشدار نەبونایە لایەنی کەمی بەشێکی زۆری رێکخستنەکانی بەشدار بوونایە ، کە بەداخەو تەنها کامێرەی knn  ئامادەیی لەوێ هەبوو.

دەبووایە کاک قادر لە ئەو بابەتەی لەسایتی کوردستان پۆسیت و ئەکاونتی تایبەتی خۆی لە فەیسبووک بلاوی کردۆتەوە لەبری ئەوەی بلێت (هیچ  گۆرانێک بەشدار نەبوون ) بیوتایە هیچ ئەندامێکی رێکخستنەکانی بزوتنەوەی گۆران بەشدار نەبوون ، چونکە چیاوازی هەیە لە نێوان ئەندامانی گۆرانی سەر بەرێکخستنەکانی گۆران و گۆرانخوازان .

من کە یەکێک بووم لە بەشداربووانی ئەم خۆپیشاندانە ، خۆم پێ لە نۆشێروان مەستەفای ریکخەری گشتی بزوتنەوەی گۆران بێ گۆرانخوازترە ، هەرچەندە لەکاتی خۆپیشاندانەکەش ئەوەم بۆ کاک قادر روونکردەوە

لەگەل رێزم بۆ سەرجەم بەشداربوانی خۆپیشاندانە مێژوویەکە ، دلنیام سەرەرای کرچی و کالیەکانی یەکەم تاقیکردنەوەی نوێترین شێوازی کاری مەدەنی ، هەنگاوێکی گەورەبوو ، وە دلنیاشم لەداهاتوو هەم لەرووی چۆنیەتی و هەم لەرووی چەندیتی پێشکەوتنی بەرچاو بەخۆیەوە دەبینێت 

كورته‌یه‌ك له ژیاننامه‌ی‌ پێشه‌وا قازی‌ محه‌مه‌د چۆنیەتی دروست بوونی کۆماری مهاباد

لە (1947.3.30) دا پێشه‌وا قازی،حه‌مه‌حوسێن خانی‌‌ سه‌یفی‌ قازی‌(ئامۆزای‌ پێشه‌وا) ‌و ئه‌بولقاسم سه‌دری‌ قازی‌( برای‌ پێشه‌وا) لە دوای‌ حوكم دانیان بە فه‌رمانی دوژمنانی‌ گه‌لی‌ كورد له‌ چوارچرای‌ شاری‌ مه‌هاباد، واته‌ هه‌ر له‌و شوێنه‌ی‌ كه‌ (1946.1.22) دا كۆماری‌ كوردستانی‌ لێ‌ راگه‌یه‌ندرابوو، له‌ سێداره‌ دران‌و شه‌هیدكران‌و هه‌ر ئه‌و رۆژه‌ له‌سه‌ر شان‌و پیلی‌ خه‌ڵكی‌ به‌ شه‌ڕه‌فی‌ مه‌هاباد له‌ گۆڕستانی‌ مه‌لا جامی‌ به‌ خاكی‌ پیرۆزی‌ نیشتمان سپێردران.
حیزبی‌ دێمۆكراتی‌ كوردستانی‌ ئێران له‌ (1979.3.30 ) ئه‌و رۆژه‌ی‌ وه‌ك رۆژی‌ شه‌هیدانی‌ كوردستان‌ راگه‌یاند. ئه‌گه‌ر پێش ئه‌و ده‌م، له‌به‌ر زه‌خت‌و زۆری‌ به‌كرێگیراوانی‌ شای‌ دیكتاتۆر ده‌رفه‌تی‌‌ به‌ڕێوه‌بردنی‌ رێوڕه‌سم به‌و بۆنه‌یه‌وه‌ نه‌بوو، به‌ڵام به‌ دوای‌ رووخانی‌ حكوومه‌تی‌ پاشایه‌تی‌دا به‌ تایبه‌تی‌ دوای‌ ئه‌وه‌ی‌ كه‌ حیزب ئه‌م رۆژه‌ی‌ به‌و ناوه‌ ناودێر كرد، هه‌موو ساڵێ‌ له‌وه‌ها رۆژێكدا رێز له‌ شه‌هیدان‌و سه‌رقافله‌یان، پێشه‌وا قازی‌ ده‌گیرێ‌‌و له‌ زۆر شوێن به‌ تایبه‌تی‌ له‌نێو كۆڕ‌و كۆمه‌ڵی‌ حیزبی‌دا رێوڕه‌سم به‌ڕێوه‌ده‌چێ‌‌و پێشانگه‌ی‌ وێنه‌ی‌ شه‌هیدان پێك دێنن‌.
قازی‌ محه‌ممه‌د، كوڕی‌ قازی‌ عه‌لی‌، كوڕی‌ میرزا قاسم قازی‌یه‌، رابردووی‌ ئه‌و بنه‌ماڵه‌یه‌ له‌ شاری‌ مه‌هاباد بۆ چوار سه‌ده‌ پێشتر ده‌گه‌ڕێته‌وه‌. ئه‌وان نه‌ ته‌نیا له‌لای‌ خه‌ڵك به‌ڵكوو له‌لایه‌ن ده‌سه‌ڵاتداران‌و به‌رپرسانی‌ حكوومه‌تییش، جێگه‌ی‌ رێز‌و پێ‌زانین بوون. هه‌ر به‌ بنه‌ماڵه‌ زاناو ئازادیخواز‌و نیشتمانپه‌روه‌ر بوون. له‌شه‌ڕی‌ یه‌كه‌می‌ جیهانی‌دا پیاوی‌ وه‌ك میرزا فه‌تاحی‌ قازییان له‌ به‌ره‌نگاریی‌ راسته‌‌وخۆ له‌گه‌ڵ‌ رووسەکان شه‌هید بوو، كوڕه‌ لاوه‌كانیشی‌ (سالار‌و محه‌ممه‌د) به‌ دیل گیران‌و بۆ شوێنه‌ دووره‌كانی‌ رووسیه‌ی‌ ئه‌و كات به‌ڕێ‌ كران‌و تا شۆڕشی‌ ئۆكتۆبر هه‌ر له‌ دیلی‌دا دابوون.
قازی‌ عه‌لیی‌ باوكی‌ پێشه‌وا، له‌ 1930 له‌ مه‌هاباد رێكخراوێكی‌ كوردیی‌ به‌ ناوی‌ “بزووتنه‌وه‌ی‌ محه‌مه‌د” پێك هێنا. ناوبراو له‌گه‌ڵ‌ جووڵانه‌وه‌ی‌ شێخ محه‌مه‌د خیابانی‌ له‌ ته‌ورێز پێوه‌ندیی‌ هه‌بوو، تا ساڵی‌ 1934یش كه‌ کۆچی دوایی كرد له‌سه‌ر ئه‌و كاره‌ به‌رده‌وام بووه‌.
قازی‌ عه‌لی‌، دوو كوڕی‌ هه‌بووه‌، یه‌كیان ئه‌بوالقاسم قازی‌، ناسراو به‌ سه‌دری‌ قازی‌ بووه‌ كه‌ دووجار له‌لایه‌ن خه‌ڵكه‌وه‌ كراوه‌ته‌ نوێنه‌ری‌ مه‌جلیس‌و ئێعتیبارو نفووزێكی‌ زۆری هه‌بووه‌. دوای‌ ته‌واوبوونی‌ ده‌وره‌كه‌شی‌ له‌سه‌ر راسپارده‌ی‌ پێشه‌وا، بۆ راپه‌ڕاندنی‌ كاره‌ سیاسییه‌كان‌و یاریده‌دانی‌ خه‌ڵك هه‌ر له‌ تاران مابۆوه‌.
قازی‌ محه‌ممه‌دیش كه‌ ساڵی‌ 1900ی‌ زایینی‌ له‌و بنه‌ماڵه‌ به‌ فه‌رهه‌نگه‌دا له‌دایك بووه‌، هه‌ر له‌ سه‌ره‌تای‌ لاوییه‌وه‌ هه‌ستی‌ نیشتمانپه‌روه‌ریی‌ تێدا به‌هێزبووه‌‌ و  خوێندنی‌ علوومی‌ كۆن‌و تازه‌ هه‌بووە و زۆری‌ هه‌وڵ‌ داوه‌ زمانی‌ بێگانه‌كانیش فێر بێ‌. جگه‌ له‌ عه‌ره‌بی‌‌و فارسی‌‌و كوردی‌ لەگه‌ڵ‌ زمانی‌ فه‌ڕانسی و ئینگلیزی‌‌و تا راده‌یه‌كیش رووسی‌ ئاشنایه‌تیی‌ هه‌بووه‌.
هەروەها زۆر حه‌زی به‌ تێكه‌ڵاوی‌ لەه‌گه‌ڵ‌ زانایانی‌ ئەو سەردەم ‌و پیاوچاكان‌و كوردانی‌ نیشتمانپه‌روه‌ر‌و سه‌رۆك عه‌شیره‌ته‌كان هه‌بووه‌.
لە دوای کۆچی باوكی‌دا بووه‌ به‌ قازیی‌ شار ، له‌ ساڵه‌كانی‌ به‌ر له‌ 1941و دواتریش بۆ یه‌ك دوو ساڵ‌ به‌رپرسایه‌تیی‌ ئیداره‌ی‌ فه‌رهه‌نگ‌و ئه‌وقافی‌ شاری‌ مه‌هابادی‌ له‌ ئه‌ستۆوه‌ گرتوه‌‌و خزمه‌تی‌ به‌رچاوی‌ فه‌رهه‌نگیی‌ كردوه‌‌و له‌ كاتی‌ به‌رپرسایه‌تیی‌ ئه‌ودا، یه‌كه‌م قوتابخانه‌ی‌‌ كچان له‌ مه‌هاباد كراوه‌ته‌وه‌.
هه‌ر له‌و پێوه‌ندییه‌شدا له‌گه‌ڵ‌ زۆربه‌ی‌ خوێندكاران، رۆشنبیران‌و مامۆستاكان زۆر نزیك بووه‌.
قازی‌ محه‌ممه‌د رێزی‌‌ تایبه‌تیی‌ بۆ دامه‌زرێنه‌رانی‌ كۆمه‌ڵه‌ی‌ ژـ ك هه‌بووه‌. له‌ چه‌ند ساڵ‌ ده‌وره‌ی‌ بێ‌ حكوومه‌تییش دا واته‌ له‌ ساڵی‌1941وه تا 1945 كه‌ كۆماری‌ كوردستان پێك هاتوه‌، له‌ به‌ڕێوه‌چوونی‌ كار‌وباره‌كان داو به‌ تایبه‌تی‌ له‌ چاره‌سه‌ریی‌ كێشه‌ عه‌شیره‌ی‌یه‌كاندا ده‌وری‌‌ به‌رچاوی‌ هه‌بوو. زۆر له‌ دامه‌زرێنه‌رانی‌ ژـ ك راوێژیان له‌گه‌ڵ‌ كردوه‌‌و زۆریان خۆش ویستوه‌‌و گه‌لێكیان هه‌وڵ‌ له‌گه‌ڵ‌ داوه‌ تا ببێته‌ ئه‌ندامی‌ ژ ـ ك. زۆر له‌ گرێوگۆڵه‌كانی‌‌ كاری‌ رۆژانه‌ی‌ خه‌ڵك له‌ دیوانی‌ ئه‌ودا كه‌ “مه‌حكه‌مه‌یان” پێ‌گوتوه‌، كراونه‌ته‌وه‌‌.

ئاگاداريه‌ك له‌ كه‌مپه‌ينى چاو هه‌ر چاوه‌

بۆ: راگه‌ياندنه‌ به‌رێزه‌كان

به‌رێزان ئاگادارتان ئه‌كه‌ينه‌وه‌ كه‌ رۆژى سێ شه‌مه‌ 14 – 01 – 2014 نوێنه‌رى كه‌مپه‌ينه‌كه‌مان له‌گه‌ڵ پارێزه‌رى كه‌مپه‌ين داواى ياسايى له‌سه‌ر وه‌زاره‌تى ته‌ندروستى تۆمارده‌كه‌ن له‌ ده‌سته‌ى مافى گشتى/ سه‌رۆكايه‌تى داواكارى گشتى له‌ هه‌ولێر

دوابه‌دواى پێشكه‌شكردنى داواى كه‌مپه‌ين له‌ دژى وه‌زاره‌تى ته‌ندروستى، پرێس كۆنفرانسێك بۆ راگه‌ياندنه‌كان ساز ده‌كه‌ين، به‌هيواين ئاماده‌ بن.

كات و شوێنى پرێس كۆنفرانسه‌كه‌:

رۆژ: سێ شه‌مه‌ 14 – 01 – 2014

شوێن : هەولێر - بەردەم دادگای لێکۆڵینەوەی هەولێر

كات: كاتژمێر 11:30 خوله‌كى پێش نيوه‌رۆ

كه‌مپه‌ينى چاو هه‌ر چاوه‌

14– 01 – 2014

سوکایەتی بە ئالای کوردستان = بە سوکایەتی بە هەموو گەلی کورد

ئەگەر حکومەتی هەرێم شەرف و ناموسی هەبێت نابێت ئەم سوکایەتە قبول بکات 

سوکایەتی بە ئالای کوردستان = بە سوکایەتی بە هەموو گەلی کورد 

ئەگەر حکومەتی هەرێم دەست بەجێ بازرگانانی ئەم کارە سزا نەدات ئەوا پێوستە میز بە قاعیدو قاعیدی دابکرێت.

شەرمەزاریە شەرمەزاریە شەر مەزاریە بۆ حکومەتێک لە ژێر سێبەریدا ئاوا سووكایه‌تی به‌ ئاڵای كوردستان هه‌ستی ئایینی خه‌ڵكی موسڵمانان بکرێت. 

ئیتر بۆ دواوە

لە پارتی قەوما

 

+ (یەکیتی خۆی بادەدا دەلیت ئەها سەیرکەن ئێمەچەندە دیمۆکراتین ئەندامی مەکتەبی سیاسی خۆمان داوەتە دادگا )

بەپیی هەوالەکان ئەگەر راستبێت یەکێتی ئەم بریارە بوێرانەی دابێت و مەحمود سەنگاوی راپیچی دادگا کردبێت ، جگە لەوەی کارێکی بوێرانەو چاوشکێنی بۆ هەموو ئەوکەسانی لەهەرپلەێکی حیزبی و حکومی دابن کە هەلێکی واگەورە نەکەن کە کەس نەبێت بەساحبیان ، ئەوا بەم هەنگاوەشی لە هاوپەیمانەکەی (پارتی)ی قەوماندووە ، بەشیوەێک تۆپەکەی لەساحەی خۆی دوورکردەوە خستیە ساحەی پارتی.

جا سەیرکەن بەیانی هەموو راگەیاندنەکانی کوردی بەتایبەت ئەوانەی لە یەکیتی نزیکن و ئەوانەشی رقیان لە پارتی دەبێتەوە ، هەموو بەیەک دەنگ هاور دەکەن دەبێت بکوژانی سۆرانی مامە حەمە و سەردەشت عوسمان و ئەوانەی دەستیان سوورە بەخوێنی لاوانی ١٧ی شوبات بدرێنە دادگا.

ئەوجا خۆشە بازانین پارتی چی دەکات دلنیام ئەگەر ئەم کارە نەکات لێدەقەومێ وەکو چۆن لەیەکێتی قەومابوو.

با هەموومان بەیەک دەنگ بڵین کێ یە بکوژانی تیرۆری سۆرانی مامە حەمە و سەردەشت عوسمان وە کێ دالدەی بکوژانی ١٧ی شوبات و بکوژانی هەلسوراوانی کۆمەنستی کرێکاری داوە ؟؟؟؟

بۆ علی سیاسی هاورێم و مامۆستام

مامە علی ده‌مێکه‌ تۆ لەم ئاژاوه‌ کار ده‌که‌ی ئه‌گه‌ر بوویته‌ پیاویان کوری باشی و شتت له‌سه‌ر ده‌نوسن وه‌باسی پاله‌وانه‌تیه‌کانت ده‌که‌ن به‌لام ئه‌گه‌ر وانه‌‌مای ئیتر ده‌بیته‌ ئه‌وله‌ویاتی کاره‌کانیان له‌ دژایه‌‌تی کردن ، کۆمه‌لگای کوردی وێرانه‌یه‌ به‌ده‌ست و چالاکوانی ورگه‌مه‌نی و نوسه‌ر و رۆشه‌نبیر هه‌تا دوایی که‌سانێک هه‌ن نان به‌ده‌سه‌لات ده‌خۆن وه‌ هه‌ندێکی تر به‌ ئۆپۆزسیۆن بوون وه‌ هه‌ندێکیان به‌ چالاکوانی ورگه‌مه‌نی ، هیچ جیاوازێک نیه‌ له‌ نێوان ئه‌وانه‌ی به‌ درۆ بونه‌ته‌ پاله‌وانی وه‌هم وه‌ ئه‌وانه‌ی ئه‌وانه‌ی به‌ واقعی پاله‌وانن ، له‌م کۆمه‌لگاییه‌ی ئێمه‌دا درۆکردن بۆته‌ پیشه‌ دووروویی بۆته پیشه‌ خیانه‌ت کردن بۆته‌ پیشه‌ ئیتر چۆن ده‌توانی خۆت بیت له‌م کۆمه‌لگاییه‌ی که‌ به‌هه‌موو شێوه‌ێک ئابلۆقه‌ دراویت
ئەوەی سەری لەمن شێواندووە ئەوەیە ئەم بیرکردنەوەیان لە کوێوە سەرچاوە دەگرێت؟ ئەبێ ئەم برادەرانە شاگردی رۆشنبیرێك بوبن، یان لای چ سیاسیەک چەکوشکاریان کردبێت یان سەریان لە هێلکە دەرهێنا وەکو پوژەکە بوختان هەڵواسرابێ بەیەخەیانەوە ، نازانم بۆ بەدەیان تەگەرە لە پێشت دادەنێن لە جیاتی هاندەرت بن لەکاری چاکدا یان هەرهیچ نەبێت دەمە شرە پیسەکایان داخەن لەبەرامبەرت .
مامە علی گیان هیوام وایە گوێ بەم کەسانە نەدەی وە دلنیاش بە چونکە ناتوانن وەکو تۆبن بۆیە کاریان قسەی بێبنەمایە .
من زۆر کەس دەناسم بەلام لە هەموویان زیاتر شانازی دەکەم کە لەنزیکەوە کارم لەگەلت کردووە ، بۆیە دەزانم هیواکەت گەورەیە ئەوانە دەیانەوێت ساردت بکەنەوە چونکە هەموو خەلک دەزانێ کە تۆ ئامانجی تایبەتیت نییە ، ئامانجی سەرەکی تۆ تەنها خەلکە بۆیە دەلێم دەریا بەدەمی سەگ پیس نابێت.

وێنەکە خۆم دوو ئازیزترین هاورێ و مامۆستاکانم .
مامە علی سیاسی و مامۆستا سەلاح مەزن ، خۆم

بەهۆی بەهەردانی سامانی هەرێمی کوردستان داوای یاسایی لەسەر وەزارەتی تەندروستی تۆمار دەکەین

ئێمه‌ وه‌ك کەمپه‌ینی چاو هەر چاوە بەردەوام دەبین لەسەر هەوڵەکانمان بۆ ئاشکراکردنی هەموو نهێنیەکانی پشت کارەساتی کوێرکردنی 30 هاوڵاتی هەرێمی کوردستان بەهۆی لێدانی دەرزی ئاڤاستینەوە. لەم قۆناغە، کەمپه‌ینەکەمان هەوڵەکانی چڕکردۆتەوە بۆ بەداوداچوون‌و لێکۆڵینەوە لەو گرێبەستە گوماناویانەی کە وەزارەتی تەندروستی لەگەڵ چەند کۆمپانیایەکی 'به‌ریتانی' ئیمزایکردووە.  کەمپه‌ینی چاو هەر چاوە بەهاوکاری ڕێکخراوێکی کۆمەڵگەی مەدەنی به‌ریتانیا بە ناوی (Corporate Watch) کە ئەرکی چاودێری کۆمپانیاکانی وڵاتی به‌ریتانیای گرتۆتە ئەستۆ گەشتۆتە چەند ڕاستیەکی مەترسیدار."

ده‌قی‌ راگه‌یه‌ندراوه‌كه‌:

به‌تۆمه‌تی‌ شاردنه‌وه‌ی‌ زانیاری‌ و پێدانی‌ زانیاری‌ هه‌ڵه‌، هه‌فته‌ی‌ داهاتوو داوای‌ یاسایی‌ له‌سه‌ر وه‌زاره‌تی‌ ته‌ندروستی‌ تۆمارده‌كه‌ین
ئێمه‌ وه‌ك کەمپه‌ینی چاو هەر چاوە بەردەوام دەبین لەسەر هەوڵەکانمان بۆ ئاشکراکردنی هەموو نهێنیەکانی پشت کارەساتی کوێرکردنی 30 هاوڵاتی هەرێمی کوردستان بەهۆی لێدانی دەرزی ئاڤاستینەوە. لەم قۆناغە، کەمپه‌ینەکەمان هەوڵەکانی چڕکردۆتەوە بۆ بەداوداچوون و لێکۆڵینەوە لەو گرێبەستە گوماناویانەی کە وەزارەتی تەندروستی لەگەڵ چەند کۆمپانیایەکی 'به‌ریتانی' ئیمزایکردووە. هەر لەم میانەدا، کەمپه‌ینی چاو هەر چاوە بە هاوکاری ڕێکخراوێکی کۆمەڵگەی مەدەنی به‌ریتانیا بە ناوی (Corporate Watch) کە ئەرکی چاودێری کۆمپانیاکانی وڵاتی به‌ریتانیای گرتۆتە ئەستۆ گەشتۆتە چەند ڕاستیەکی مەترسیدار.
ڕێکخراوی Corporate Watch  لە تازەترین بەیاننامە کە لە رۆژی 30 – 12 – 2013 دەرچووە لەسەر کوێرکردنی هاوڵاتیانی هەرێمی کوردستان هاتە دەنگ و پشتگیری لە کەمپه‌ینەکەمان دەڕبڕی.
ئه‌مه‌ش لینكی‌ به‌یاننامه‌ی‌ رێكخراوی‌  ناوبراوه‌(http://www.corporatewatch.org.uk/?lid=5185)
لەم بەیاننامەیه‌، ڕێکخراوەکە چەند زانیاریەکی گرنگ لەسەر پێشهاتەکانی بەڕێوەچوونی لێکۆڵینەوەکانی خۆی لەسەر کۆمپانیای FDAS لەسەر کەیسی کوێرکردنی هاوڵاتیانی هەرێمی کوردستان دەخاتە ڕوو.  
لە بەیاننامەکە، ڕێکخراوی Corporate Watchی به‌ریتانی ئەوە دووپات دەکاتەوە کە کۆمپانیای FDAS پێی ڕاگەیاندوون کە ئەو کۆمپانیایە هیچ گرێبەستێکی لەگەڵ حکومەتی هەرێمی کوردستان نیەو بەهیچ جۆرێکیش لە ڕابردوودا هیچ گرێبەستێکی لەگەڵ وەزارەتی تەندروستی نەبەستووە. هەروەها ڕێکخراوی Corporate Watch ئەوەش دەڵێت کە لە بەدواداچوونەکانی خۆیان ئەوەیان بۆ دەرکەوتووە کە کۆمپانیای ناوبراو تەنها 3 پاوەندی ئیستەرلینی لەسەر حیسابە بەنکیەکەیان بووە، لە کاتێکدا حکومەتی هەرێمی کوردستان دەڵیت گوایە کۆمپانیاکە بڕی 1.5 ملیۆن دۆلاری وەکو گه‌ره‌نتی‌ داناوە.
ئه‌مه‌ش لینكی‌ ده‌قی‌ گرێبه‌سته‌كه‌ی‌ وه‌زاره‌تی‌ ته‌ندروستی‌ له‌گه‌ڵ كۆمپانیای‌ FDAS :http://www.mohkrg.org/files/articles/2.pdf
ڕێکخراوی Corporate Watch لە بەیاننامەکەیدا، ئاماژە بەوەش دەکات کە دەزگا فەرمییەکانی به‌ریتانیا لێکۆڵینەوەیان لەگه‌ڵ کۆمپانیای FDAS  کردووەو بۆیان دەرکەوتووە کە کۆمپانیاکە ناتوانێت لە ماوەی داهاتوو بەردەوامی بە کارەکانی بدات، چونکە لە دۆخێکی دارایی خراپدایەو بۆیە Corporate Watch گومان دەردەبڕێت لەسەر ئەوەی بۆچی وەزارەتی تەندروستی گرێبەستی لەگەڵ کۆمپانیایەکی لەو جۆرە ئیمزاکردووە. 
لە بەشێکی تری بەیاننامەکە، ڕێکخراوی Corporate Watch ئاماژە بە چەند ناوێک دەکات کە وەکو بەڕێوەبەرو بەرپرسی کۆمپانیاکە ناویان دەبات، لەوانە (حسین البیاتی)، (خەڵەف میرزا) و (مهدی اسماعیل). لە ناوەکان دەردەکەوێت کە ئەو کۆمپانیایە پەیوەندی بەهێزی هەیە لەگەڵ وڵاتانی ناوچەکەو گومانەکانی گەندەڵی و خراپ بەکارهێنانی داهاتی گشتی زیاتر دەکەن لەلایەن بەپرسانی وەزارەتی تەندروستیەوە. 
ئێمە لە کەمپه‌ینی چاو هەر چاوە، لە کاتێکدا دەستخۆشی لە ڕێکخراوە هاوپەیمانەکەمان دەکەین لە به‌ریتانیاو بەڵێنیان پێدەدەین کە لە ئاست دڵسۆزی ئەوان کەمتەرخەم نەبین، قوربانیانی کارەساتی ئاڤاستین و سەرجەم هاوڵاتیانی کوردستان دڵنیا دەکەینەوە کە بەردەوام ئەبین لە چالاکییە ناوخۆیی و دەرەکییەکانمان بۆ دۆزینەوەی تاوانباران و گەندەڵکاران و هەموو ئەوانەی بەرپرسن لەم کارەساتە گەورەیە. هەروەها جارێکی تر وەزارەتی تەندروستی ئاگادار دەکەینەوە کە ئەم وەزارەتە کەمتەرخەم و تاوانبارە بە شاردنەوەی هەموو ڕاستیەکان و بەم کار و ڕەفتارەی تەنها خزمەت بە گەندەڵکاران دەکات و خۆیشی دەبێت بە بەشێک لە تاوانەکە.
ئێمه‌ بۆ هه‌موو لایه‌كی‌ راده‌گه‌یه‌نین كه‌ هه‌فته‌ی‌ داهاتوو له‌رێگه‌ی‌ دوو پارێزه‌ری‌ خۆبه‌خشه‌وه‌ له‌هه‌ولێر به‌پێی‌ یاسای‌ مافی‌ به‌ده‌ستهێنانی‌ زانیاری‌ و به‌ تۆمه‌تی‌ شاردنه‌وه‌ی‌ زانیاری‌ و پێدانی‌ زانیاری‌ هه‌ڵه‌ داوا له‌سه‌ر وه‌زاره‌تی‌ ته‌ندروستی‌ تۆمارده‌كه‌ین، بۆئه‌و مه‌به‌سته‌ش دوای‌ تۆماركردنی‌ داوا یاساییه‌كه‌ له‌سه‌ر وه‌زاره‌تی‌ ناوبراو، پرێس كۆنفرانسێك ده‌به‌ستین و پارێزه‌ره‌كانمان ده‌قی‌ یاداشتی‌ كه‌مپه‌ینه‌كه‌مان و بابه‌تی‌ یاسایی‌ داواتۆماركردنه‌كه‌ بۆ راگه‌یاندنه‌كان روون ده‌كه‌نه‌وه‌، هاوكات ئه‌وه‌ش ناشارینه‌وه‌ كه‌ له‌ئێستادا جگه‌ له‌تۆماركردنی‌ داوای‌ یاسایی‌ له‌سه‌ر وه‌زاره‌تی‌ ته‌ندروستی‌، شێوازی‌ چالاكیه‌كانمان و هه‌وڵه‌كانمان ئه‌گۆڕین و هه‌وڵی‌ دروستكردنی‌ فشاری‌ زیاتر ده‌ده‌ین له‌سه‌ر لایه‌نه‌ به‌رپرسه‌كانی‌ هه‌رێم به‌مه‌به‌ستی‌ باشتركردنی‌ كه‌رتی‌ ته‌ندروستی‌.
کەمپه‌ینی چاو هەر چاوە 
01 – 01 – 2014 

بۆ په‌یوه‌ندی‌ :

د.گۆران عه‌بدولڵا – 0447584867623-  goranbr@yahoo.com 

فه‌رمان خێڵانی‌ – 0032488055929 - fxelany@yahoo.com 

ره‌نجده‌ر گراوی‌ – 0032488935183 - ranjdargrawy@yahoo.com 

لاوژە جه‌واد – 004531954228 - lawzha@yahoo.com