هەر هەنگاوێک جگە لەسەربەخۆیی بۆ کورد بنێن خیانەتی نەتەوایەتی دەکەوێتە ئەستۆتان

بە دڕێژایی سەد سالی رابردوو بەدیاریکراوی لە سەرەتای سەدەی رابردوو تاوەکو ناوەراستی هەمان سەدە  سەرکردە سیاسیەکانی کورد ئەگەر نیو هەلیان بۆ رەخابێت دەولەتیان بۆ کورد داناوە ، خەونە گەورەکەی کوردیان بەدی هێناوە ئەگەر چی هەموو جارەکان بۆ ماوەێکی کەم توانیویانە ئەم خەونە گەورە بپارێزن ، بەلام ئەوەی ئەرکی نەتەوایەتی بووبێت لەسەر شانیان بەرامبەر بە نەتەوەکەیان جێ بەجێێان کردووە.

بۆ نموونە شێخ سعیدی پیران لە سالی ١٩٢٥ ، شێخ مەحمودی حفید لە سالی ١٩٩١ تاوەکو ١٩٣٠ لە  سێ شۆرشدا سێ جار سەربەخۆیی بۆ کوردستان راگەیاند ،  سمکۆی شکاک  لە سالی ١٩٢١ تاوەکو ١٩٣٠ لە سێ جار هەلگیرسانی شۆرشدا سەربەخۆیی راگەیاند ، پێشەوا قازی محمد لە سالی  ١٩٤٦ سەربەخۆی بۆ کوردستان راگەیاند

لە دوای کۆتایی هاتنی ئەم جیلە تێکۆشەرەی گەلی کورد ، هیچ سەرکردەێکی کورد  بەکردار  وەکو ئەوان تاوەکو ئەم کاتە نەوێراوە وە کو ئەوان ناوی خۆی بخاتە نێو لاپەرە پرشکۆکانی مێژووی گەلی کورد ، بەبروای من هۆکارەکەشی لە بێ مۆرالی سەرکرەکانی کوردە و لە لەرزۆکیانە بەرامبەر بە خەونە گەورەکەی گەلەکەمانە.

ڕەنگە هیچ کات بەقەدر ئێستا باسی سەربەخۆیی کوردستان لە شەقامی کوردی‌و سەرجەم میدیا خۆجێی‌و بیانییەکان جیددی نەبووبێ.– لانیکەم لە پەنجا  ساڵی ڕابردوو نەتان کرد بیانووتان هەبوو ، بەلام ئەم جارە هیچ بیانوێکتان نیە ، لە رابردوو دەتان ووت هێچ سەرچاوێکی دارایی تایبەت بە خۆمان نیە ئێستا ئەمشتان نەماوە چونکە نەوتمان هەیە دەتوانن بیفرۆشن، لە رابردوو دەتان ووت هیچ دەرچەێک نیە بۆ هەناسەی ئەم دەولەتە ئێستا تورکیا ممنونیشتان دەبێت دەرچەی هەناسە هەلکێشانتان بۆ دەکاتەوە بۆ خاتری نەوت، جاران دەتانووت مادەی ١٤٠ جێ بەجێ نەکراوە یاخود ناکرێت ، ئێستا بەواقعی حال هەموو ناوچە دابراوەکان لە ژێردەستی کوردایە ، جاران دەتان ووت هێزمان هاوتا نیە لەگەل حکومەتی عێراقی ئێستا بەهێزترین هێزی رێکخراون لە هەموو عێراق، جاران دەتان ووت سیاسەتی دەولی پشگیریمان ناکات ئێستا بە ئاشکرا زلهێزەکانی دوونیا باسی سەربەخۆیی کوردستان دەکەن ئەوەتا کۆشکی سپی ئەمریکا لەزاری ووتە بێژەکەیەوە پێتان دەلێت سەربەخۆیی  رابگەێنن ، ئێستا هەموو میدیا بەناوبانگەکانی جیهان بە راپۆرت باسی سەربەخۆیی کوردستان دەکەن، کەچی سەیر لەوەدایە  یەک سەرکردەی سیاسی کورد بە عیلامانی و ئیسلامیتەوە بەراست و چەپتەوە  باسی سەربەخۆیی کوردستان ناکات ، بۆیە ئێستا ن هەر هەنگاوێک جگە لەسەربەخۆیی بۆ کورد بنێن خیانەتی نەتەوایەتی دەکەوێتە ئەستۆتان ناوتان دەچێتە نێو لیستی ترسنۆکرین سەرکردە سیاسیەکانی کورد تر، کە لە گونجاوترین کاتدا  ناوێران باسی سەربەخۆیی کوردستان بکات.

داعش چییە...؟

داعش، كورتكراوه‌ی ده‌وڵه‌تی ئیسلامی عیراق و شام، گروپێكی چه‌كداری، سه‌ربه‌رێكخراوی قاعیده‌یه‌ و كار بۆ گێڕانه‌وه‌ی خه‌لافه‌ت و جێبه‌جێكردنی شه‌ریعه‌تی ئیسلامی ده‌كات به‌زه‌بری چه‌ك.

چه‌كداره‌كانی داعش له‌هه‌ردوو وڵاتی عیراق و سوریا بڵاوبوونه‌ته‌وه‌ و چه‌ند ناوچه‌یه‌كیان به‌ده‌سته‌وه‌یه‌.

دروستبوونی ده‌وڵه‌تی ئیسلامی عیراق، دوای كۆبوونه‌وه‌ی كۆمه‌ڵێك گروپی چه‌كداری سه‌له‌فی له‌عیراق بوو، له‌ 15 مانگی 10 ساڵی 2006 ، له‌و كۆبوونه‌وه‌یه‌دا گروپه‌ چه‌كداره‌كان ئه‌بو عومه‌ر به‌غدادی قوره‌یشی حوسه‌ینی – یان به‌ ئه‌میری ده‌وڵه‌تی ئیسلامی هه‌ڵبژارد .

دوای چه‌ندین كرده‌وه‌ی خۆكوژیی و توندوتیژیی له‌ناو عیراق ، رۆژی 19 مانگی 4 ساڵی 2010 ئه‌بو عومه‌ر به‌غدادی كوژرا، دواتر گروپه‌كه‌ ئه‌بو به‌كر به‌غدادی به‌ ئه‌میری خۆی ده‌ستنیشان كرد.

له‌ سه‌رده‌می ئه‌بوبه‌كر به‌غدادیدا، كرده‌ خۆكوژی و توندوتیژییه‌كانی ده‌وڵه‌تی ئیسلامی عیراق په‌ره‌ی سه‌ند و درێژه‌ی كێشا، له‌وانه‌ ( هه‌ڵكوتانه‌ سه‌ر بانكی مه‌ركه‌زی عیراق و وه‌زاره‌تی داد و شكاندنی گرتوخانه‌ی ئه‌بوغرێب).

دوای سه‌هه‌ڵدانی شۆڕشی سوریا كۆتایی ساڵی 2011، به‌ره‌ی نوسره‌ به‌سه‌ركردایه‌تی ئه‌بو محه‌مه‌د جولانی دروست بوو، شه‌ڕی به‌ره‌ی نوسره‌ له‌دژی سوپای رژێمه‌كه‌ی ئه‌سه‌د درێژه‌ی كێشا تا راپرۆته‌ هه‌واڵگرییه‌كان ئه‌وه‌یان ئاشكرا كرد كه‌ به‌ره‌ی نوسره‌ په‌یوه‌ندیی به‌ ده‌وڵه‌تی ئیسلامی عیراق هه‌یه‌.

دواتر له‌نامه‌یه‌كی ده‌نگیدا و له‌ڕێی بڵاوكردنه‌وه‌ی له‌سه‌ر تۆڕی شموخ ئیسلام، ئه‌بو به‌كر به‌غدادی ئه‌میری ده‌وڵه‌تی ئیسلامی عیراق، رۆژی 9 مانكی 4 ئه‌مساڵ، ئاشكرایكرد كه‌ به‌ره‌ی نوسره‌ ته‌واوكه‌ری ده‌وڵه‌تی ئیسلامی عیراقه‌ له‌سوریا و هه‌ر له‌و نامه‌ ده‌نگیه‌دا ئه‌وه‌ی ئاشكراكرد كه‌، ناوی به‌ره‌ی نوسره‌ و ده‌وڵه‌تی ئیسلامی عیراق پێكه‌وه‌لكێنراوه‌ و بۆته‌ ( ده‌وڵه‌تی ئیسلامی عیراق و شام) ،( داعش)، دوای ماوه‌یه‌كی كه‌م نامه‌یه‌كی ده‌نگی تیایدا ئه‌بو محه‌مه‌د جولانی سه‌ركرده‌ی به‌ره‌ی نوسره‌ ره‌تی كرده‌وه‌ كه‌ به‌ئاگا بێت له‌و پێكه‌وه‌ لكاندنه‌ی به‌ره‌ی نوسره‌ به‌ ده‌وڵه‌تی ئیسلامی عیراقه‌وه‌، بۆیه‌ به‌یعه‌تی بۆ رێكخراوی قاعیده‌ له‌پاكستان نوێكرده‌وه‌.

له‌به‌رامبه‌ریشدا ئه‌یمه‌ن زه‌واهیری سه‌رۆكی رێكخراوی قاعیده‌ بێبه‌ری بوونی خۆی له‌ ده‌وڵه‌تی ئیسلامی عیراق و شام راگه‌یاند.  

له‌وكاته‌وه‌ داعش وه‌ك هێزێكی دیاری توندڕه‌و، به‌شداریی زۆربه‌ی ته‌قینه‌وه‌ و كرده‌ خۆكوژییه‌كانی ناو عیراق و سوریای كرد و له‌عیراق به‌رپرسیارێتی زۆربه‌ی كرده‌ خۆكوژییه‌كانی گرتۆته‌ ئه‌ستۆ.

چەند وێنەێک لە فیستڤالی کەلتوری گەلانی ئەوروپا ، لە برۆکسل

له‌ رۆژێكی وه‌كو ئه‌مرۆ دا هێزه‌كانی نازیه‌ت له‌نۆرمه‌ندی شكستی ‌هينا

له‌ رۆژێكی وه‌كو ئه‌مرۆ دا هێزه‌كانی نازیه‌ت له‌نۆرمه‌ندی شكستی ‌هينا

له‌ 6ی حوزه‌یرانی 1944 و له‌ یه‌كه‌م گه‌وره‌ترین هێرشی مێژوویی هێزه‌كانی هاوپه‌یمانان بۆسه‌ر سوپای نازییه‌كان له‌كاتی جه‌نگی جیهانیی دووه‌م، نزیكه‌ی 160 هه‌زار سه‌رباز له‌و هێزانه‌ له‌ نۆكه‌ندی ئینتگلته‌راوه‌ په‌ڕینه‌وه‌ نۆرماندی تا شكست به‌ سوپای هیتله‌ر بهێنن.

تا كۆتایی مانگی حوزه‌یرانی 1944، ژماره‌ی سه‌ربازانی هێزی هاوپه‌یمانان گه‌یشته‌ ملیۆنێك و 500 هه‌زار سه‌رباز و دواجار له‌ جه‌نگی نۆرماندیدا 37 هه‌زار سه‌ربازی هێزه‌ هاوپه‌یمانه‌كان و 50 بۆ 60 هه‌زار سه‌ربازی سوپای نازیی ئه‌وكاته‌ كوژران.